Die neue Interessengemeinschaft ist gegründet-
schau ma moi, wer sich zusammen findet.
WILD WING DANCER werd ma jetzt haß´n,
WILD duat zu mir zwor nimma guat passn,
oba fir´d Jungan, do find is wirklich leiwaund,
drum hob i dagegen a gor kan Einwaund.
Wäu waunn i den hätt, kennt ma drüber diskutieren,
denn jeder soll bei uns Mitsprocherecht kriagn!
Diktatur des loß ma sein – Demokratie kehrt jetzt ein!
Wos aner ned wü, des sogt er laut
und kan wird deswegen da Schädl oghaut.
Miteinander solln ma ois entscheiden,
Alleingänge in Zukunft womöglich vermeiden.
Föhla mocht jeda, do ghört drüba gredt,
net hinterrucks tuschln, grod des brauch ma net!
An jeden recht mochn, geht sowieso schlecht,
drum haßt´s 1x nochgebn und nächst´s Moi gschicht wos ma mecht.
I glaub, es wißt´s olle wos i damit man,
es is jo net aunders wia in da Familie daham!
Nau jo, i gib zua, mir san a poar mehr,
oba mit gutem Willen is bestimmt net schwea.
Uns verbindet a Hobby und wia i glaub Sympathie,
jeden Freitog treff ma uns und fad wird uns nie!
Zum Taunzn und Trotschn kumm ma gern zaum,
i waß, dass ma miteinaunder a schene Zeit werdn haum!
Oiso heb ma des Glasl auf DIE, de des organisiern,
und hoff ma, dass no laung net gnua von uns kriagn!


(gedichtet von unserer Renate – DANKE!)

       

Am 25.02.2016 feierten die Wild Wing Dancer ihr
5. Bestandsjubiläum !

                        

Wild Wing Dancer gegründet am 25.02.2011